Авторизатсия
Даромадан ба шабакаҳои иҷтимой:
07:27
25 Июл 2017
  • ДУШАНБЕ:
  • °C
Дар ин ҷо ду гузориш дар бораи нерӯгоҳи барқи обии Норак бихонед.
09:35

Коршинос: Паҳншавии бесуботӣ аз Афғонистон ба Осиёи Марказӣ аз тариқи устони Бадахшони воқеъ дар марзи Тоҷикистон баъид нест

29.03.2017 Коршинос: Паҳншавии бесуботӣ аз Афғонистон ба Осиёи Марказӣ аз тариқи устони Бадахшони воқеъ дар марзи Тоҷикистон баъид нест Душанбе. 29 март. ТоҷикТА – Аҳмад Саидӣ, коршиноси сиёсии Афғонистон бар ин бовар аст, ки бесуботӣ аз Афғонистон ба кишварҳои Осиёи Марказӣ аз тариқи устони Бадахшони воқеъ дар марзи Тоҷикистон паҳн мешавад, гузориш медиҳад ТоҷикТА.
Аҳмад Саидӣ дар мусоҳиба бо пойгоҳи “Афганистан.ру” гуфт, ки “кишварҳои минтақа ба идомаёбии даргириҳои мусаллаҳона дар Афғонистон ъалоқаманд нестанд, ва роҳи ҳалли буҳрони ин кишварро меҷӯянд”.
Вай таъкид кард, ки кӯшишҳои муштараки кишварҳои минтақа дар мавриди сулҳу субот дар Афғонистон боиси ҳалли асарбахши мушкилот хоҳад буд.Саидӣ кӯшишҳои Маскавро дар мавриди танзими низои Афғонистон боло арзёбӣ кард, вале, ба назари вай, Русия дар ин замина бо ИМО, ки ҷонибдори поён ёфтани даргириҳо нест, бархӯрд хоҳад кард.
Дар зимн, коршинос чунин мешуморад, ки дар ҳоли ҳозир Вашингтон хостори идома ёфтани низоҳо дар Афғонистон ва афзойиш додани шумори нерӯҳои мусаллаҳи омрикоӣ дар ин кишвар мебошад.
Саидӣ паҳн ёфтани бесуботӣ дар Осиёи Марказӣ аз тариқи устони Бадахшони Афғонистонро баъид намеҳисобад.
Рӯзи 14 апрел дар Маскав конфронси байналмилалӣ ба хотири масоъили ҳалли аз байн бурдани даргириҳои мусаллаҳона дар Афғонистон барпо хоҳад шуд. дар ин тадбир ширкати 12 кишвар, аз ҷумла, ИМО ва кишварҳои Осиёи Марказӣ барномарезӣ шудааст. Вале ИМО даъвати Русия ба ин нишасти байналмилалиро напазируфт.  Барпо нашудани машварати муқаддимотӣ бо Русия ва мутталеъ нашудан аз аҳдофи нишаст, барои ИМО боиси рад кардани ин пешниҳод шуд
Аҳмад Саидӣ дар бораи конфронси Маскав гуфт, ки ИМО дар ин нишаст ширкат намекунад, зеро, музокироти комёбона бар нафъи ИМО нахоҳад буд. Дар ҳоле, ки ин конфронс ба вазъият тағйироти хуб ворид мекунад, мақоми ИМО дар минтақа ҳамчун бозикуни бонуфуз мавриди тардид қарор хоҳад ёфт.

Ҳамкорон