Авторизатсия
Даромадан ба шабакаҳои иҷтимой:
07:28
25 Июл 2017
  • ДУШАНБЕ:
  • °C
Дар ин ҷо ду гузориш дар бораи нерӯгоҳи барқи обии Норак бихонед.
14:48

Мудири МБИ: Расонаҳои мустақилли хабарии Тоҷикистон ба далели мушкилоти иқтисодӣ мутаваққиф шуданд

09.01.2017 Мудири МБИ: Расонаҳои мустақилли хабарии Тоҷикистон ба далели мушкилоти иқтисодӣ мутаваққиф шуданд Душанбе. 9 январ. ТоҷикТА – Маркази бозрасии истротежикии (МБИ) вобаста ба раисҷумҳури ҶТ: Фаъолияти бисёре аз расонаҳои мустақилли хабарии кишвар  ба далели иқтисодӣ мутаваққиф шуд, гузориш медиҳад ТоҷикТА рӯзи душанбе.
Худобердӣ Холиқназар, мудири МБИ дар мусоҳиба бо хабарнигорон гуфт, ки бархе аз расонаҳои хабарӣ, ки мутаваққиф шуданд, дар рақобати ҳирфаӣ шикаст хӯрданд, бархи дигар варшикаста шуданд.
Вай афзуд, “Озодбаёние, ки дар Тоҷикистон мавҷуд аст, дар баъзе аз кишварҳои Осиёи Марказӣ мушоҳида намешавад. Вале чанде ба ҳукумат ва раисҷумҳури ҶТ нигоҳи муғризона дорад. Агар мо аз сулҳу ваҳдат дифоъ накунем, пайомади Ъироқ ва Сурия мунтазири мо мебошад”.
Худобердӣ Холиқназар ёдовар шуд, ки кишвар ба тавофуқи сулҳу ваҳдат ба осонӣ даст наёфт. Толибон ва баъзе ҳамсоякишварҳо намехостанд, ки дар Тоҷикистон сулҳу оромиш барқарор шавад.
Дар зимн, Сайфулло Сафаров, нахустмуъовини мудири МБИ таъкид кард, ки дар ҳоле, ки озодбаёнии беш аз ҳад барои кишварҳои рушдкарда ба тараққӣ хидмат  мекунад, ба кишварҳои дар ҳоли рушда баъзе хатарҳоеро иҷод мекунад.
Сафаров вазъияти Афғонистонро мисол овард ва гуфт, ки озодбаёнии беш аз ҳадд ба далели манофеъи гурӯҳҳои гуногун аз дастёбӣ ба тавофуқ ҷилавгирӣ мекунад.

Ҳамкорон