Дар Тоҷикистон барои роҳбарони гурӯҳҳои “Ҳаҷҷ-2018” озмун эълом шуд
Авторизатсия
Даромадан ба шабакаҳои иҷтимой:
17:52
21 Феврал 2018
  • ДУШАНБЕ:
  • °C
Дар ин ҷо ду гузориш дар бораи нерӯгоҳи барқи обии Норак бихонед.
15:06

Дар Тоҷикистон барои роҳбарони гурӯҳҳои “Ҳаҷҷ-2018” озмун эълом шуд

18.01.2018 Дар Тоҷикистон барои роҳбарони гурӯҳҳои “Ҳаҷҷ-2018” озмун эълом шуд Душанбе. 18 январ. ТоҷикТА – Кумитаи умури дин ва танзими ойину маросимҳои Тоҷикистон барои интихоби роҳбарони гурӯҳҳои мавсими “Ҳаҷҷ-2018” озмун эълом кард, гузориш медиҳад ТоҷикТА рӯзи панҷшанбе.
Бино ба иттилоъи маркази матбуъотии Кумитаи умури дин ва танзими ойину маросимҳои ҶТ, тақозоҳои аслӣ барои ширкаткунандагони озмун донистани забони ъарабӣ, ё англисӣ, қонунҳои шариъат, қавоиди адои Ҳаҷҷ, иҷтимоъӣ будан, доштани сифатҳои пешвоӣ ва созмондиҳӣ мебошад.
Дар озмун метавонанд шаҳрвандони ҷумҳурӣ аз синни 30 то 60 ширкат кунанд.
Асноди ширкат дар озмун аз 22 январ то 22 феврал пазируфта мешавад.
Гуфта мешавад, ки бар асоси қавоиди нав, ки Ъарабистони Саъудӣ имсол ҷорӣ кард, ҳар касе, ки дар 5 соли охир адо ҳаҷҷ кардааст, нисбат ба онҳое, ки барои аввалин бор ба ҳаҷҷ мераванд, ё дар 5 соли охир адои ҳаҷҷ накардаанд, барои ҳаҷҷ 500 доллар бештар пардохт хоҳанд кард.
Соли гузашта дар кулл 6 ҳазору 520 тан шаҳрванди Тоҷикистон ба Ъарабистони Саъудӣ фиристода шуданд, ки дар миёни онҳо афроди хидматрасон низ буданд.
Имсол нархи ҳаҷҷ барои шаҳрвандони Тоҷикистон ҳудуди 33 ҳазор сомонӣ (3630 доллар) мебошад. Соли гузашта ин нарх бештар аз 4 ҳазор сомонӣ арзонтар буд.


Ҳамкорон