МОИ “Данғара”-и Тоҷикистон дар соли 2017 беш аз $10,3 млн сармоягузории мустақим ҷазб кард
Авторизатсия
Даромадан ба шабакаҳои иҷтимой:
11:20
20 Январ 2018
  • ДУШАНБЕ:
  • °C
Дар ин ҷо ду гузориш дар бораи нерӯгоҳи барқи обии Норак бихонед.
12:41

МОИ “Данғара”-и Тоҷикистон дар соли 2017 беш аз $10,3 млн сармоягузории мустақим ҷазб кард

11.01.2018 Душанбе. 11 январ. ТоҷикТА – Минтақаи озоди иқтисодии “Данғара”-и Тоҷикистон дар соли сипаришуда 91 миллион сомонӣ (беш аз 10,3 миллион доллар) сармоягузории мустақим ҷазб кард, гузориш медиҳад ТоҷикТА рӯзи панҷшанбе.
Бино ба иттилоъи мудирияти МОИ “Данғара”, дар ин МОИ 31-то ширкат сабтином шудаанд ва 7-тои онҳо бо тавлид ва хидматрасонӣ машғуланд.
Аз ҷумла, дар МОИ “Данғара” тавлиди маводди шӯянда, сохторҳои (конструкция) фулӯзӣ, масолеҳи сохтмонӣ ва ғайра роҳандозӣ шудааст.
Соли гузашта ширкатҳои МОИ “Данғара” ба арзиши 19 миллион сомонӣ (2,1 миллион доллар) коло тавлид карданд, ки ин шумор дар муқойиса бо соли 2016 3 миллион сомонӣ (340,5 ҳазор доллар) афзойишро нишон медиҳад.
Дар соли 2017 як ширкати тавлиди масолеҳи сохтмонӣ ва саноеъ ба кор шурӯъ кард.
Бар асоси додаҳои манбаъ, аз оғози фаъолияи МОИ “Данғара”, яъне аз соли 2011 беш аз 1 миллиарду 486 миллион сомонӣ (168,6 миллион доллар) сармоягузорӣ ҷазб шудааст. Ширкатҳои чинӣ, иронӣ ва русӣ дар ин МОИ бештар сармоягузорӣ кардаанд.


Ҳамкорон