Дар миёни Тоҷикистон ва Ӯзбекистон гузаргоҳи “Панҷакент-Самарқанд” дубора боз хоҳад шуд
Авторизатсия
Даромадан ба шабакаҳои иҷтимой:
05:54
21 Январ 2018
  • ДУШАНБЕ:
  • °C
Дар ин ҷо ду гузориш дар бораи нерӯгоҳи барқи обии Норак бихонед.
08:28

Дар миёни Тоҷикистон ва Ӯзбекистон гузаргоҳи “Панҷакент-Самарқанд” дубора боз хоҳад шуд

10.01.2018 Душанбе. 10 январ. ТоҷикТА – Дар арафаи Наврӯз дар миёни Тоҷикистон ва Ӯзбекистон гузаргоҳи “Панҷакент-Самарқанд”, ки 8 сол қабл баста шуда буд, дубора боз хоҳад шуд, гузориш медиҳад ТоҷикТА.
Бино ба иттилоъи як манбаъ дар Кумитаи давлатии амнияти миллии Тоҷикистон, тарафҳо барои гушойиши ин гузаргоҳ умури омодагиро баргузор мекунанд, роҳандозии умури гумрук ва марзӣ идома дорад, зерсохтҳои наздимарзӣ омода мегарданд.
Ёдовар мешавем, ки соли 2010 Тошканд Душанберо мутталеъ кард, ки сар аз 1 ноябр (ҳамон сол) фаъолияти гузаргоҳи байналмилалӣ, ки дар водии Зарафшон Саразми Тоҷикистонро бо Жартеппаи устони Самарқанд мепайвандад, мутаваққиф хоҳад шуд.
Дар ин паём тарафи Ӯзбекистон бидуни тавзеҳи сабаби мутаваққиф кардани фаъолияти гузаргоҳ таъкид карда буд, дар ин қисмати марз ъубури шаҳрвандон ва таробарии колоҳо қатъ хоҳад гардид.
Дар ҳоли ҳозир дар марзи Тоҷикистон ва Ӯзбекистон дуто гузаргоҳи байналмилалӣ шаборӯз фаъолият мекунанд. Яке аз онҳо гузаргоҳи Турсунзода-Сариосиё ва дигаре Мачсо-Ойбек мебошад.


Ҳамкорон