Авторизатсия
Даромадан ба шабакаҳои иҷтимой:
10:15
13 Декабр 2017
  • ДУШАНБЕ:
  • °C
Дар ин ҷо ду гузориш дар бораи нерӯгоҳи барқи обии Норак бихонед.
09:11

Камбуди будҷаи давлатии Тоҷикистонро бо эътибор ва кумакҳои бебозгашт пур хоҳанд кард

06.12.2017 Душанбе. 6 декабр. ТоҷикТА – Дар соли оянда будҷаи давлатии Тоҷикистонро бо даромадҳои хусусисозӣ ва истифодаи амволи давлат, эътибор ва кумакҳои бебозгашти созмонҳои байналмилалии молӣ пур хоҳанд кард, гузориш медиҳад ТоҷикТА рӯзи чоршанбе.
Бино ба иттилоъи вазорати молии Тоҷикистон, ҳаҷми кулли камбуди будҷаи давлатии  Тоҷикистон дар соли оянда 0,5 дарсади тавлидоти нохолиси дохилиӣ, ё беш аз 334,3 миллион сомонӣ (ҳудуди 38 миллион доллар) хоҳад буд.
Бар асоси додаҳои манбаъ, мувофиқи пешбиниҳо даромад аз хусусисозӣ ва истифодаи амволи давлатӣ 26 миллион сомонӣ (2,9 миллион доллар) хоҳад буд. Вале даромади аслӣ барои пур кардани камбуди будҷаи давлатиро ҷазби эътибор ва кумакҳои бебозгашти созмонҳои байналмилалии молӣ ва даромад аз фурӯши векселҳои ғазна хоҳад буд.
Аз ҳисоби дарсадҳои супурдаҳои будҷаи давлатӣ, эътиборҳо ва кумакҳои бебозгашти созмонҳои байналмилалии молӣ барои пуштибонии будҷа беш аз 203,1 миллион сомонӣ (23 миллион доллар) ҷазб хоҳад шуд.
Аз фурӯши векселҳои ғазна барои пуштибонӣ аз будҷаи давлатӣ беш аз 95 миллион сомонӣ (10,7 миллион доллар) равона хоҳад гардид.
Бар асоси додаҳои взаорати молӣ, ҳаҷми кулли будҷаи Тоҷикистон дар соли оянда беш аз 21 миллиард сомониро (2,3 миллиард доллар) ташкил хоҳад дод. Ҳазинаи будҷаи давлатӣ беш аз 21,3 миллиард сомонӣ (2,4 миллиард сомонӣ) хоҳад буд.


Ҳамкорон