Авторизатсия
Даромадан ба шабакаҳои иҷтимой:
10:17
13 Декабр 2017
  • ДУШАНБЕ:
  • °C
Дар ин ҷо ду гузориш дар бораи нерӯгоҳи барқи обии Норак бихонед.
18:04

Соли оянда дар Тоҷикистон барои рушди иқтисоди воқеъӣ ҳудуди $660 млн ихтисос хоҳанд дод

05.12.2017 Душанбе. 5 декабр. ТоҷикТА – Соли оянда дар Тоҷикистон барои рушди иқтисоди воқеъӣ беш аз 5,8 миллиард сомонӣ (ҳудуди 660 миллион доллар) ихтисос хоҳанд дод, гузориш медиҳад ТоҷикТА рӯзи сешанбе.
Бино ба иттилоъи вазорати молии Тоҷикистон, қисми ъумдаи ин маблағ ба рушди бахши сӯхту энержӣ, таробарӣ ва иртиботот равона хоҳад шуд.
Дар соли оянда барои рушди бахши сӯхту энержӣ аз будҷаи давлатӣ беш аз 348,3 миллион сомонӣ (39,4 миллион доллар) ва барои рушди таробарӣ ва иртиботот беш аз 1,4 миллиард сомонӣ (158,7 миллион доллар) ихтисос дода мешавад.
Ин маблағ барои ъамалӣ кардани тарҳҳои сармоягузорӣ, аз ҷумла, сохтусоз ва бозсозии ҷоддаҳои мошингард, пулҳо ва нерӯгоҳҳо низ пешбинӣ шудаанд.
Бар асоси додаҳои вазорати молӣ, дар соли 2018 барои рушди бахши кишоварзӣ, моҳипарварӣ ва шикор беш аз 676 миллион сомонӣ (76,6 миллион доллар) ва барои рушди саноеъ ва сохтусоз беш аз 132,3 миллион сомонӣ (15 миллион доллар) ихтисос дода мешавад.


Ҳамкорон