Авторизатсия
Даромадан ба шабакаҳои иҷтимой:
19:30
22 Ноябр 2017
  • ДУШАНБЕ:
  • °C
Дар ин ҷо ду гузориш дар бораи нерӯгоҳи барқи обии Норак бихонед.
09:21

Дар Тоҷикистон нахустин тамриноти низомии маркази зиддитеррористии КМҲ барпо хоҳад шуд

17.05.2017 Душанбе. 17 май. ТоҷикТА – Сар аз рӯзи 30 май то 1 июни соли ҷорӣ дар ду размойишгоҳи подгони Хатлони Тоҷикистон – “Ҳарбмайдон” ва “Лаур” нахустин тамриноти низомии маркази зиддитеррористии кишварҳои мустақили ҳамсуд (КМҲ) таҳти ъунвони “Душанбе-Зидди террор-2017” барпо мешавад, гузориш медиҳад ТоҷикТА.
Бино ба иттилоъи як манбаъ дар мақомоти низомии Тоҷикистон, ин нахустин тамринот хоҳад буд, ки маркази зиддитеррористии КМҲ бо ҷалби нерӯҳои мусаллаҳи кишварҳои муштаракулманофеъ баргузор мекунад. Дар раванди ин тамринот нерӯҳои заминии муштараки Тоҷикистон ва Русия таҳти пуштибонии нерӯҳои ҳавоӣ усулҳои мубориза ъалайҳи гурӯҳҳои террористӣ, мубориза ъалайҳи гурӯҳҳои ғайриқонунии мусаллаҳ дар манотиқи кӯҳистонӣ ва ъамалиёти сулҳомезро такмил медиҳанд.
Дар ҳоли ҳозир Русия ва Тоҷикистон шумори сарбозон, афсарон ва ҳавопаймоҳои низомии ду кишварро тавофуқ мекунанд.
Дар моҳҳои май ва июни соли ҷорӣ чунин тамринотҳои низомӣ дар қаламрави Русия, Арманистон, Белорус, Қазоқистон, Қирғизистон ва Тоҷикистон баргузор мешавад. Тамринот дар Тоҷикистон марҳилаи ниҳоии ин ин тадбири низомӣ мебошад.
Гуфта мешавад, ки барои иҷрои тамринот ба зарфияти пойгоҳи низомии Русия-201 мустақар дар Тоҷикистон тақвият бахшида мешавад. Дар минтақаи баргузории тамринот посгоҳҳои басиҷи идора, тӯпхона, ҳавопаймоҳои бесарнишин, нерӯҳои вижа ва ғайра мунтақил хоҳанд шуд.
Кумитаи давлатии амнияти миллии Тоҷикистон ҳамаҳангсози ин тамринот мебошад.


Ҳамкорон