Авторизатсия
Даромадан ба шабакаҳои иҷтимой:
20:35
18 Ноябр 2017
  • ДУШАНБЕ:
  • °C
Дар ин ҷо ду гузориш дар бораи нерӯгоҳи барқи обии Норак бихонед.
14:06

Қонуни нав дар Тоҷикистон сигоркаширо маҳдуд мекунад

25.10.2017 Қонуни нав дар Тоҷикистон сигоркаширо маҳдуд мекунад

Қонуни нав дар Тоҷикистон сигоркаширо маҳдуд мекунад

Душанбе. 25 октябр. ТоҷикТА – Маҷлиси пойини порлумони Тоҷикистон имрӯз тарҳи қонуни нави “Дар бораи маҳдуд кардани истифодаи маводди тамоку”-ро, ки ҳукумати кишвар пешниҳод кард, баррасӣ кард, гузориш медиҳад ТоҷикТА рӯзи чоршанбе.
Бино ба иттилоъи маҷлиси намояндагони порлумони Тоҷикистон, ин қонун дар муқойиса бо қонуни мушобеҳи соли 2010 меъёри сигоркаширо дар кишвар то ҳадде сангинтар мекунад, ки ъамалан барои сигоркашӣ ҷойе нахоҳад монд.
Бар асоси қонуни нав, сигоркашӣ дар биноҳои маъмурӣ, дар утоқҳои кории ширкатҳои давлатӣ ва ғайридавлатӣ, дар лифтҳо, дар вурудгоҳҳои биноҳои маскунӣ, дар роҳҳои зеризаминӣ, дар фурӯдгоҳҳову истгоҳҳо, дар осойишгоҳҳо, хобгоҳҳо, дар кафе-ошхонаҳо ва дар дохили васоили нақлия манъ хоҳад гардид.
Ба гуфтаи Мирзомуддин Камолзода, муъовини вазири беҳдошт ва ҳифозати мадании Тоҷикистон, фурӯши маводди тамоку дар фосилаи наздиктар аз 100 метр ба муассисоти беҳдошт, таҳсилот, ҳифозати маданӣ, фарҳанг, варзиш ва созмонҳои динӣ низ мамнӯъ хоҳад шуд.
Акнун фурӯши сигор ба афроде, ки ба синни 18 нарасидаанд, мамнӯъ мегардад, агар фурӯшанда бар синни харидор тардид кунад, ҳақ дорад, ки аз ӯ санади ҳуввияташро дархост кунад.
Ҳамчунин, дар кишвар фурӯши донагии сигор мамнӯъ хоҳад шуд. Ъилова бар ин, дар қаламрави кишвар табодули маводди тамоку бо соири колоҳову хидматрасонӣ ва ройгон ба мардум паҳн кардани онҳоро манъ хоҳанд кард.
Дар тарҳи қонун гуфта мешавад, ки ниҳодҳои беҳдошт ва ҳифозати маданӣ метавонанд, ки дар зиндон, бемористонҳои равонӣ ва дар хонаҳои пиронсолону ногироён ба сигоркашӣ иҷоза бидиҳанд. Дар биноҳои ингуна муассисот барои сигоркашӣ ҷойҳои вижа хоҳанд сохт.
Шукурҷон Зуҳуров, раиси маҷлиси пойини порлумон пешниҳод кард, ки ба ин тарҳи қонун бандҳои нав ъилова карда шавад, ки бар асоси онҳо руасои созмонҳову ширкатҳо барои сигоркашӣ ҷойҳои вижа ҷудо кунанд ё бисозанд, вале ҷойҳои сигоркашӣ набояд дар дохили бино бошад.
Қонуни “Дар бораи маҳдуд кардани истифодаи маводди тамоку”, ки соли 2010 тасвиб шуда буд, ҳуқуқи сигоркашонро маҳдуд карда буд. Ин қонун дар ҷойҳои ъумумӣ сигор кашиданро мамнӯъ кард, вале дар ҷойҳои вижа сигор кашидан мумкин буд.
Бино бар ин қонун, ки ҳанӯз ҷорист, сигоркашон метавонанд, ки дар ҷойҳои вижаи дохили биноҳои маъмурӣ, давлатӣ ё хусусӣ, муассисоти беҳдошт, фарҳанг, дин, варзиш, таҳсилот, тафреҳгоҳҳо, истгоҳ ва фурӯдгоҳҳо сигор кашанд.

Ҳамкорон