Авторизатсия
Даромадан ба шабакаҳои иҷтимой:
20:35
18 Ноябр 2017
  • ДУШАНБЕ:
  • °C
Дар ин ҷо ду гузориш дар бораи нерӯгоҳи барқи обии Норак бихонед.
16:07

Арзиши кулли тарҳҳое, ки Чин дар Тоҷикистон ъамалӣ мекунад, беш аз $6 миллиард мебошад

16.10.2017 Арзиши кулли тарҳҳое, ки Чин дар Тоҷикистон ъамалӣ мекунад, беш аз $6 миллиард мебошад

Арзиши кулли тарҳҳое, ки Чин дар Тоҷикистон ъамалӣ мекунад, беш аз $6 миллиард мебошад

Душанбе. 16 октябр. ТоҷикТА – Чин сармоягузорӣ ба Тоҷикистонро идома медиҳад, мегузорад, хабаргузории ТоҷикТА рӯзи душанбе.
Лю Бин, муъовини раиси бахши кишварҳои Урупо ва Осиёи Марказии вазорати умури хориҷаи Чин дар мусоҳибаи матбуъотӣ гуфт, ки Чин масъулияти худро дар таъмини молии тарҳҳои гуногун дар Тоҷикистон иҷро мекунад. Арзиши кулли ин таррҳо беш аз 6 миллиард доллар мебошанд. Ин масъулияти сармоягузории Чин дар асноде, ки қаблан дар раванди сафари Си Сзинпин, раисҷумҳури Чин дар ҶТ дар миёни ду кишвар ба имзо расид, муқаррар шудааст.
Ба гуфтаи вай, бархе аз таррҳо ба анҷом расидаанд ва бархи дигар дар раванди ъамалишавӣ мебошанд. Тарафҳо барои анҷоми соири тарҳҳо бояд дар сари чанд масъалаи фаннӣ тавофуқ кунанд ва дар ҳоли ҳозир ниҳодҳои масъули ду кишвар ба ин кор пардохтаанд.
Яке аз инҳо ъамалӣ кардани тарҳи насби лӯлаҳои гоз аз Туркманистон ба Чин мебошад, ки он аз қаламрави ҶТ ъубур хоҳад кард. Ин тарҳ муддате мутаваққиф шуда буд, чун тарафҳо дар мавриди нарху ҳаҷми гоз, ки Чин мехоҳад аз Туркманистон харидорӣ кунад, музокирот мекарданд. Ҳоло ъамалӣ кардани ин тарҳ оғоз ёфтааст.
Лю Бин гуфт, ки сармоягузорони чинӣ ба иқтисоди Тоҷикистон фаъолона сармоягузорӣ мекунанд ва Тоҷикистон дар заминаи ҷазби сармоягузориҳои Чин дар минтақаи Осиёи Марказӣ яке аз пешсафҳо мебошад.

Ҳамкорон